Alværn: Kulturbasert næring skaper godt omdøme

På næringskonferanse i Førde 2.mars blei det presentert fleire verksemder som har suksess: Elis AS frå Fjaler, Nordfjord Kjøtt AS, Sogndal Fotball/Fosshaugane Campus, Førdefestivalen og Coast Seafood frå Vågsøy.

Giske blir orientert om industriområdet
Lutelandet, langt vest i havet, i Fjaler.

Foto: NHD/på Flickr

Håpet til Sogn og Fjordane, som har døypt seg Framtidsfylket, er at desse suksesshistoriene skal skape eit positivt omdøme for fylket og gjere fylket meir attraktivt for arbeidstakarar og nye innbyggarar. Du kan vurdere historiene sjølv, i opptak (obs! hugs at me kan høyre det som blir sagt før/i pausar/etterpå! Også i ettertid... :-) Det uventa ved denne næringskonferansen er at kulturbasert næring blei presentert. Ei næring statsråd Giske stadig framhevar. Diverre blir kultur ofte ein del av pauseunderhaldninga, og får berre fortelje om suksessane på eigne kultur- eller reiselivskonferansar.

Næringsminister Trond Giske opna
2.mars konferanse i Førde.
Foto: NHD/Flickr

Denne konferanse var eit unntak. Førdefestivalen formidla ei suksesshistorie, om 4000 musikarar frå 100 land, rundt 30000 besøk i 2010, og 12 millionar i omsetnad. Dei har snudd bygdebyen Førde opp-ned kvar sommar i over 20år. Som fleire andre festivalar og bedrifter får dei statlege overføringar og tiltaksmidlar, men har etablert 6 kompetansearbeidsplassar. Det er slike små og mellomstore bedrifter me har flest av i Norge.

På Operagarden i Bygstad står det eit

flygel i løa. Brukt då operadiva

Kiri Te Kanawa var der, og då sopranane

i trioen Divine frå Sverige i august kom frå

svensk kongeleg bryllaup til Åmot gard.

Så langt eg kunne høyre i Oslo (via video-overføring) var festivaldirektør Hilde Bjørkum den einaste som la vekt på at kultur skapar sterke opplevingar, sterke og unike historier, som må brukast i marknadsføringa av fylket, i tillegg til dei andre store suksessbedriftene. Det er slike historier som gjer at du legg merke til og hugsar Framtidsfylket, og det byggjer stoltheit både internt og eksternt.

På same måte har Operagarden i Bygstad har fått mykje positiv mediemerksemd og henta mange besøkande til deira kulturscene på eit gardsbruk.

Giske viste ved handling at han meiner kulturbasert næring er viktig ved å invitere med overnattingsstaden Bestebakken i Luster, Ciderhuset i Balestrand og Operagarden då han samla næringslivet til samråd etter konferansen.

"Alle" i Sogn og Fjordane jobbar no med omdøme. Eg har helde fleire omdømeforedrag i fylket og vore med på å sette igang, eller bremse, meir enn eitt omdømeprosjekt. Framleis er det mange som famlar og helst startar med eit godt slagord - som omtalt i lokalavisa Firda og kommentert av Distrikssenteret: - Det ikkje er slagordet det kjem an på.

Innovasjon Norge (IN) vil at bedrifter og lokalsamfunn skal lære av dei som lukkast, og seier at omdømearbeid betyr at du må våge å utmerke deg. Førdefestivalens direktør, Hilde Bjørkum framheva kunnskap, mot og vilje som viktige suksessfaktorar. På ei nettside om omdømebygging framhevar IN tre bedrifter: Ekornes, Rolls Royce Marine og Solstrand Hotell og Bad. Er det tilfeldig at to av dei er på Sunnmøre og den andre i nabofylket vårt, Hordaland?

Filmen om omdømebygging tek 1min og 52 sekund og handlar om Hvorfor kjøper vi vann til 40 kr literen, når det er gratis i springen?